Video-Livestream

D´ Fasnetskirch wird am 19. Febbr ab viertl Olvi ibbrtragga. D´ Narra vu Waldmessinga sind au mit drbei. Zelebriera duet dr Pfarr´.

Zum Singa | Liadr fir ´d Fasnetskirch z`Winzla 2023 (100,24 kB)

Dr Narrebomm z´Waldmessinga

von Pfarrer Christian Albrecht

Scho lang ischd dees an gueta Brauch

dr´ Schwob keit nint oafach so naus.

 

Ischd d´Weihnachstzeit aa ´s End na grickt,

wird dr Chrischdbaum traurig abgschmickt.

 

Dass ´d Noodla, dia alta,

sich id ibbrall dond entfalte,

dija Äschd werred gnomma

– nua d´ Spitz wird bhalda.

 

Wa dua mit dem Bessa? So deekt jedr Ma.

Drum stelld mr dr Reschd vors Haus glei na.

 

Und so wird dees Heisle mit simm Narrabomm,

am Fasnetsmeedig zum Narrasalong.

 

Drum, so hätt mr sich z´Waldmessinga vorgschdelld,

dr´ Christbomm i dr Kirch au so wird uffgschdelld.

 

Villeicht, so ischd Hoffnung grauß,

treibt s d´Leid zum Herrgott

und id zu dr´ Kircha naus!